کاشتکاروں کو فوری معاونت فراہم کرنا ضروری ہے۔ وزیراعلیٰ سندھ سید مراد علی شاہ

کراچی : ‏وزیراعلیٰ سندھ سید مراد علی شاہ کی زیرصدارت گندم کاشت کاروں کے امدادی پروگرام کا جائزہ اجلاس۔ اجلاس وزیر زراعت سردار محمد مخش خان مہر، چیف سیکریٹری آصف حیدر شاہ، سیکریٹری وزیراعلیٰ عبد الرحیم شیخ، سیکریٹری زراعت محمد زمان ناریجو اور سندھ بینک کے صدر انور شیخ کی شرکت۔

وزیراعلیٰ سندھ مراد علی شاہ نے کہا کہ کاشتکاروں کو فوری معاونت فراہم کرنا ضروری ہے۔ سندھ بینک کھاتے کھولنے، فنڈز کی منتقلی اور تصدیقی عمل میں تیزی برقرار رکھے۔ فنڈز کی تاخیر سے کئی کاشت کار پہلے ہی بوائی کا اہم وقت گنوا چکے ہیں۔ پروگرام کے تحت صوبے بھر میں 400,875 کاشتکار رجسٹر کیے گئے ہیں۔ رجسٹرڈ کسان 1 سے 25 ایکڑ کے درمیان زمین کے مالک ہیں۔ 338192رجسٹریشنز کی منظوری دی جا چکی ہے۔ نومبر کے اختتام تک ہزاروں کھاتے کامیابی کے ساتھ فعال کیے جا چکے ہیں۔

وزیراعلیٰ کی سندھ بنک کو ہدایت کرتے ہوئے کہا کہ کھاتے کھولنے اور فنڈز کی منتقلی میں تیزی لائی جائے۔ مستفید ہونے والے کاشتکاروں کو فوری آگاہ کیا جائے۔ بینکوں اور محکمہ زراعت محکمہ کے درمیان روزانہ ڈیٹا شیئرنگ کا عمل متعارف کرایا گیا ہے۔

وزیراعلیٰ نے حقیقی وقت کے مانیٹرنگ ڈیش بورڈ کا جائزہ لیا۔ وزیراعلیٰ سندھ کا پروگرام پر عملدرآمد کی ذاتی نگرانی کرنے کا اعلان۔

انہوں نے کہا کہ پروگرام کا مقصد کاشتکاروں کو بوائی کے دوران کھاد خریدنے میں سہولت فراہم کرنا ہے۔

پروگرام کے تمام متعلقہ ذمہ داروں کو بروقت پیش رفت رپورٹ جمع کرانے کی ہدایت۔