جمال احمد کی آل آمنہ اپارٹمنٹ کے مکینوں اور فلیٹ یونین سے ملاقات
جمال احمد نے یقین دلایا کہ متحدہ قومی موومنٹ ان کے مسائل کے حل کے لیے اپنی ہر ممکن کوشش کرے گی۔
جمال احمد کی آل آمنہ اپارٹمنٹ کے مکینوں اور فلیٹ یونین سے ملاقات
کراچی : متحدہ قومی موومنٹ پاکستان کے ذمہ داران اور پی ایس-130 سے صوبائی اسمبلی کے رکن جمال احمد بھائی نے نارتھ کراچی سیکٹر 7ڈی-1 میں آل آمنہ اپارٹمنٹ کے مکینوں اور فلیٹ یونین سے ملاقات کی۔ اس میٹنگ میں نارتھ کراچی ٹاؤن کے فنانس سیکریٹری سید شاہد بھائی، یوسی کے جوائنٹ آرگنائزر و بلدیاتی کمیٹی انچارج خاور سلیم بھائی،یوسی جوائنٹ آرگنائزر ندیم مرزا بھاءی یوسی فنانس سیکریٹری فرحان خان بھائی، اور نشر و اشاعت سیکریٹری رضوان رئیس بھائی سمیت دیگر یوسی کے ساتھیوں نے شرکت کی۔
ملاقات کا مقصد فلیٹ کے مسائل کو سننا اور ان کے حل کے لیے عملی اقدامات کو زیر غور لانا تھا۔ متحدہ کے ذمہ داران نے مکینوں کے مسائل کی تفصیلات سنیں اور انہیں یقین دلایا کہ متحدہ قومی موومنٹ ان کے مسائل کے حل کے لیے اپنی ہر ممکن کوشش کرے گی۔