ڈینگی اور ملیریا سے بچاؤ کے لیے حکومت سندھ کی مشینری متحرک کر دی گئی ہے۔ ڈاکٹر عذرا پیچوہو

ڈینگی اور ملیریا سے بچاؤ کے لیے حکومت سندھ کی مشینری متحرک کر دی گئی ہے۔ ڈاکٹر عذرا پیچوہو

کراچی : وزیرِ صحت سندھ ڈاکٹر عذرا پیچوہو کی ہدایت پر صوبے بھر میں ڈینگی اور ملیریا سے بچاؤ کی ہنگامی مہم کا آغاز۔ ڈاکٹر عذرا پیچوہو کی تمام ڈسٹرکٹ ہیلتھ آفیسرز، متعلقہ محکموں کو ہنگامی بنیادوں پر مؤثر اقدامات کرنےکی ہدایت۔ ڈاکٹر عذرا پیچوہو کا تمام اضلاع میں فوگنگ، اسپرے، آگاہی سیشنز اور عوامی مہم تیز کرنے کا حکم۔

ڈاکٹر عذرا پیچوہو نے کہا کہ ڈینگی اور ملیریا سے بچاؤ کے لیے حکومت سندھ کی مشینری متحرک کر دی گئی ہے۔ رواں سال ڈینگی کے 819 اور ملیریا کے 2لاکھ سے زائد کیسز رپورٹ ہوئے۔ ہر ضلع میں اسپرے، فوگنگ، اور آگاہی پروگرامز کو روزانہ کی بنیاد پر یقینی بنایا جائےگا۔ عوامی تعاون سے جلد اس وبا پر قابوپاسکتےہیں، عوام کردار ادا کریں۔

انہوں نے مزید کہا کہ تمام اضلاع میں لاروہ کش مہم، فوگنگ، اسپرے اور آگاہی مہم کا آغاز کر دیا گیا ہے۔ اسکولوں، اسپتالوں، مارکیٹوں، بس اسٹاپس سمیت عوامی مقامات پر بینرز، پمفلٹس اور آگاہی مواد آویزاں کیا جا رہا ہے۔ لیڈی ہیلتھ ورکرز کو گھر گھرجا کر آگاہی دینے کاٹاسک دیاگیاہے۔ صفائی اوراحتیاطی تدابیر پرعمل کریں تو وبا کو جلد ختم کیا جا سکتاہے۔ محکمہ صحت کی ٹیمیں دن رات عوامی تحفظ کےلیے سرگرم عمل ہیں۔ ڈینگی اور ملیریا سے متعلق صورتحال کی مانیٹرنگ روزانہ کی بنیاد پر کی جا رہی ہے۔