اسسٹنٹ کمشنر نارتھ ناظم آباد نے علاقے کے مختلف بلاکس کے رہائشیوں کے ساتھ ایک اجلاس

کراچی : اسسٹنٹ کمشنر نارتھ ناظم آباد نے علاقے کے مختلف بلاکس کے رہائشیوں کے ساتھ ایک اجلاس منعقد کیا۔ جس میں انہوں نے ڈپٹی کمشنر کراچی سینٹر کے ‘کمیونٹی سیکیورٹی انیشی ایٹو’ اور ‘کمیونٹی پولیسنگ پروجیکٹ’ کے تحت رہائشی انجمنیں تشکیل دینے پر آمادگی ظاہر کی۔

اجلاس میں رہائشی تنظیموں کے قیام اور کمیونٹی کے دیگر مسائل پر بات چیت کی گئی۔ جس میں فوری کارروائی اور مؤثر باہمی رابطے پر خصوصی توجہ مرکوز کی گئی۔

کے ایم سی کے ڈائریکٹر جنرل (پارکس) جناب جنید نے بھی نارتھ ناظم آباد کے رہائشی کی حیثیت سے اجلاس میں شرکت کی اور گفتگو میں حصہ لیا۔ اس اجلاس کا مقصد ضلعی انتظامیہ اور رہائشیوں کے درمیان مضبوط رابطہ قائم کرنا، اجتماعی ذمہ داری کے احساس کو فروغ دینا اور متعلقہ بلاکس کی بہتری و ترقی کے لیے مل کر کام کرنا تھا۔