آئندہ بھی جس حد تک ممکن ہوا کراچی و پاکستان کے عوام اور تاجروں کے لئے اپنی آواز بلند کرتے رہیں گے۔ ڈاکٹر خالد مقبول صدیقی

آئندہ بھی جس حد تک ممکن ہوا کراچی و پاکستان کے عوام اور تاجروں کے لئے اپنی آواز بلند کرتے رہیں گے۔ ڈاکٹر خالد مقبول صدیقی

کراچی : متحدہ قومی موومنٹ پاکستان کے چیئرمین ڈاکٹر خالد مقبول صدیقی اور مرکزی کمیٹی کے رکن سید امین الحق سے مرکز بہادرآباد پر اورنگی ٹاؤن ٹریڈرز ایسوسی ایشن کے وفد نے ملاقات کی۔ ملاقات میں اورنگی ٹریڈرز ایسوسی ایشن کے وفد میں جنرل سیکریٹری شہباز نومی، سینئر وائس پریذیڈنٹ عبدالقادر شیخانی ، وائس پریذیڈنٹ عدنان احمد خان و دیگر اراکین موجود تھے۔

ملاقات کے دوران اورنگی ٹاؤن ٹریڈرز ایسوسی ایشن نے ایم کیو ایم کی جانب سے وزیراعظم پاکستان شہباز شریف صاحب پر بجلی کے نرخوں میں کمی پر جس طرح زور دینے پر شکریہ ادا کیا، کراچی کے عوام کو بجلی کی قیمتوں میں کمی کا تحفہ دینے پر شکریہ ادا کیا اور اورنگی ٹاؤن میں تاجروں کو درپیش دیگر مسائل پر گفتگو کی۔

اس موقع پر ڈاکٹر خالد مقبول صدیقی نے گفتگو کرتے ہوئے کہا بڑھتے ہوئے ایم کیو ایم ایک مڈل کلاس طبقے کی نمائندگی جماعت ہے اور ہم کو اس بات کا بخوبی اندازہ ہے کہ مہنگائی کے دور میں عام عوام کیلئے گزر بسر کرنا کتنا مشکل ہوا ہے، ایم کیو ایم جب سے اس حکومت کا حصہ ہے اس وقت سے ہم جب بھی وزیراعظم سے ملاقات کرتے ہیں تو ہمارا پہلا مطالبہ ہی عوام کو ریلیف فراہم کرنے کا ہوتا ہے جو کے اب کچھ کچھ پورا بھی ہورہا ہے۔انہوں نے کہا کہ وزیراعظم پاکستان شہباز شریف کی جانب سے بجلی کے نرخوں میں کمی خوش آئند ہے ہم آئندہ بھی جس حد تک ممکن ہوا کراچی و پاکستان کے عوام اور تاجروں کے لئے اپنی آواز بلند کرتے رہیں گے۔

سید امین الحق نے اپنی مختصر گفتگو میں کہا کہ اورنگی ٹاؤن ایشیا کی سب سے بڑی کچی آبادی اور تعلیم یافتہ لوگوں کی آبادی ہے،ایم کیو ایم کا یہ قلعہ ہے اور ایم کیو ایم اورنگی ٹاؤن کے عوام کیلئے نئے پراجیکٹ کا انعقاد کر رہی ہے جس سے اورنگی ٹاؤن کے عوام مزید ترقی کریں گے۔

اس موقع پر ایم کیو ایم کے رہنما شکیل احمد،ارشاد ظفیر اور ارشد حسن بھی موجود تھے۔