ٹاون چئیرمین عاطف علی خان کی ہدایت پر شادمان نالے پر موجود کٹ کو تعمیر کرنے کا کام شروع کردیا گیا
شادمان نالے پر موجود کٹ کا ایک حصہ گر جانے کی وجہ سے یہاں سے گزرنا کافی مشکل ہوگیا تھا۔
ٹاون چئیرمین عاطف علی خان کی ہدایت پر شادمان نالے پر موجود کٹ کو تعمیر کرنے کا کام شروع کردیا گیا
تفصیلات کے مطابق شادمان ٹاون میں موجود برساتی نالہ کافی بری حالت میں موجود ہے۔ اس کی صفائی کا عمل کافی عرصہ سے نہیں ہوا ہے۔ اس کی چھت کئی جگہ سے کرچکی ہے اور نالے میں ہی پڑی ہے۔ نالے میں کچرا بھی بہت زیادہ موجود ہے۔ اس کی دیواریں بھی بہت زیادہ خراب ہے۔ اس حوالے سے علاقہ مکین نے کئی دفعہ شکایت بھی کی ہے اور اس کی تعمیر کی درخواست بھی کی ہے۔ لیکن نالے کی تعمیر کا کام ابھی تک شروع نہیں کیا جاسکا ہے۔
اس حوالے سے ٹاون چئیرمین عاطف علی خان کے پاس اس نالے پر موجود کٹ کی شکایت موصول ہوئی۔ یہ کٹ حیدر فوڑد سے شادمان نمبر 1 جاتے ہوئے پڑتا ہے اور کٹ کا ایک حصہ گرنے کی وجہ سے اس میں کئی دفعہ گاڑیاں بھی پھس چکی ہیں۔ عاطف علی خان نے اس کی تعمیر کرنے کو کہا اور آج صبح سے اس کی تعمیر کا کام بھی شروع کردیا گیا ہے۔
کٹ پر موجود چھت کو 6 انچ اوپر کرکے ڈالا جارہا ہے اور اس کے ساتھ موجود کٹ کی دیوار کو بھی بنایا جائے گا۔ تاکہ جب کوئی موٹر سائیکل یا گاڑی یہاں سے گزرے تو نالے میں نا گرے۔ باقی نالے کی تعمیر کے حوالے سے ابھی تک کوئی تاریخ سامنے نہیں آئی ہے کہ اس پورے نالے کی تعمیر کا کام کب شروع کیا جائے گا۔
کٹ کے تعمیر ہوجانے کی وجہ سے قبرستان آنے والوں کا کافی آسانی ہو جائے گی۔