شہر کو ماحول دوست بنانے کے لیے شجر کاری ضروری ہے اور موسمیاتی تبدیلی سے متعلق کام کرنے کی ضرورت ہے، ڈاکٹر فاروق ستار
فاروق ستار کا وفاقی و صوبائی حکومت سے اگست کو شجرکاری کے لیے مختص کرنے کا مطالبہ
شہر کو ماحول دوست بنانے کے لیے شجر کاری ضروری ہے اور موسمیاتی تبدیلی سے متعلق کام کرنے کی ضرورت ہے، ڈاکٹر فاروق ستار
کراچی : متحدہ قومی موومنٹ پاکستان کے زیر اہتمام کراچی کے باغ بن قاسم میں قومی شجرکاری مہم کا افتتاح کردیا گیا افتتاحی تقریب میں ایم کیو ایم پاکستان کے رہنما ڈاکٹر فاروق ستار، انیس قائم خانی ،نسرین جلیل، سید امین الحق اور سندھ اسمبلی میں اپوزیشن لیڈر علی خورشیدی سمیت متحدہ عرب امارات،جرمنی،ایران،روس،فراس، ملائیشیا کے قونصل جنرلرجبکہ معروف بزنس مین عارف حبیب نے شرکت کی۔
تقریب میں ڈاکٹر فاروق ستار نے خطاب کرتے ہوئے کہا کہ شجرکاری تقریب میں آنے والے قونصل جنرلز سمیت تمام لوگوں کا انتہائی مشکور ہوں، ایم کیو ایم کے زیر اہتمام آج کا پروگرام تاریخی ثابت ہوگا، ہزاروں کی تعداد میں شہر میں پودے لگانے جارہے ہیں۔انہوں نے کہا کہ شہر کو ماحول دوست بنانے کے لیے شجر کاری ضروری ہے اور موسمیاتی تبدیلی سے متعلق کام کرنے کی ضرورت ہے۔ ڈاکٹر فاروق ستار نے کہا کہ گرین پاکستان کے نام سے شجر کاری مہم کا آغاز کیا ہے، وفاقی و صوبائی حکومت سے مطالبہ کرتے ہیں کہ اگست کے ماہ کو شجرکاری کے لیے مختص کیا جائے۔
ان کا کہنا تھا کہ پاکستان کی تاریخ کی یہ سب سے بڑی شجرکاری مہم ثابت ہوگی، زیر زمین پانی کو بھی بچانے سے متعلق اقدامات اٹھانے ہیں، لاکھوں نہیں کروڑوں پودے لگا کر اس ملک کو ہرا بھرا کریں گے، شہر کو ماحول دوست بنانے کے لیے شجر کاری ضروری ہے۔