ایس ایس پی ملیر کاشف آفتاب عباسی کی ہدایت پر پولیس اور رینجرز کا مشترکہ کامبنگ اینڈ سرچ آپریشن
دورانِ آپریشن متعدد مشتبہ افراد کو حراست میں لے کر قانونی کارروائی کے لیے متعلقہ تھانوں میں منتقل کر دیا گیا۔
ایس ایس پی ملیر کاشف آفتاب عباسی کی ہدایت پر پولیس اور رینجرز کا مشترکہ کامبنگ اینڈ سرچ آپریشن
کراچی : ایس ایس پی ملیر کاشف آفتاب عباسی کی ہدایت پر پولیس اور رینجرز کا مشترکہ کامبنگ اینڈ سرچ آپریشن کیا گیا۔ یہ آپریشن تھانہ ملیر کینٹ، بن قاسم اور قائدآباد کی حدود میں جرائم پیشہ عناصر کے خلاف کیا گیا تاکہ علاقے میں امن و امان برقرار رہے اور کسی بھی ناخوشگوار واقعے کا سدباب کیا جا سکے۔ آپریشن کے دوران بائیومیٹرک ڈیوائس کی مدد سے مشتبہ افراد کی تصدیق بھی کی گئی۔
یہ آپریشن کچی آبادی اور مخصوص علاقوں میں کیا گیا، جس میں پولیس اور رینجرز کے اہلکاروں نے بھرپور حصہ لیا۔ کامبنگ اینڈ سرچ آپریشن میں ایس ڈی پی اوز، ایس ایچ اوز، پولیس افسران، جوان، انٹیلیجنس اسٹاف اور لیڈیز پولیس نے شرکت کی۔ دورانِ آپریشن متعدد مشتبہ افراد کو حراست میں لے کر قانونی کارروائی کے لیے متعلقہ تھانوں میں منتقل کر دیا گیا۔