دھماکے کے بعد ہلاکتوں کی تعداد میں اضافہ
آذربائیجان کے ناگورنو کاراباخ علاقے میں ایندھن کے ایک ڈپو میں دھماکے سے کم از کم 68 افراد ہلاک اور 105 لاپتہ ہیں
دھماکے کے بعد ہلاکتوں کی تعداد میں اضافہ
تفصیلات کے مطابق آذربائیجان کے ناگورنو کاراباخ علاقے میں ایندھن کے ایک ڈپو میں دھماکے سے کم از کم 68 افراد ہلاک اور 105 لاپتہ ہیں۔ یہ بات خطے کی حکومت نے منگل کو بتائی۔ یہ دھماکا اس وقت ہوا جب گزشتہ ہفتے آذربائیجان کی طرف سے فوجی حملے کے بعد نسلی آرمینیائی باشندے خطہ چھوڑنے کے لیے اپنی گاڑیوں میں ایندھن بھرنے کے لیے قطار میں کھڑے تھے۔
مرنے والوں کی نظرثانی شدہ تعداد منگل کو ایک نیوز کانفرنس میں آرمینیا کے وزیر صحت اناہیت اوانیشیان کے ایک پہلے بیان کے بعد سامنے آئی ہے۔ جس میں انہوں نے کہا تھا کہ 125 افراد کی باقیات کو نگورنو کارابخ سے آرمینیا کے فرانزک مراکز میں منتقل کر دیا گیا ہے۔ انہوں نے مزید کہا کہ کم از کم 67 زخمیوں کو ملک کے نیشنل برن سینٹر میں منتقل کیا گیا ہے۔
نگورنو کاراباخ کے انسانی حقوق کے محتسب گیگم سٹیپانیان نے بعد میں ٹیلی گرام میسجنگ ایپ پر حکومت کے سرکاری چینل میں وضاحت کی کہ 125 جنگ سے متعلق اموات تھیں۔ آرمینیائی وزارت صحت نے بھی بعد میں فیس بک پر ایک وضاحت شائع کی۔