ایم کیو ایم کے سینئر رہنما سید مصطفیٰ کمال اور انیس قائمخانی کا ذمہ داران کے ہمراہ کڈنی ہل پارک کا دورہ
ایم کیو ایم پاکستان کی جانب سے جشن آزادی کی مرکزی تقریب کڈنی ہل پارک میں منعقد کی جائے گی
ایم کیو ایم کے سینئر رہنما سید مصطفیٰ کمال اور انیس قائمخانی کا ذمہ داران کے ہمراہ کڈنی ہل پارک کا دورہ
کراچی : متحدہ قومی موومنٹ پاکستان کے سینئر رہنما سید مصطفیٰ کمال اور انیس قائمخانی نے یوم آزادی کی مرکزی تقریب کے انعقاد کے سلسلے میں کراچی کے علاقے بہادرآباد میں واقع کڈنی ہل پارک کا دورہ کیا۔ اس موقع پر اُن ہمراہ مرکزی کمیٹی اور ایم کیو ایم پاکستان کے مختلف شعبہ جات کے تنظیمی ذمہ داران موجود تھے۔
ایم کیو ایم پاکستان کے تحت 14 اگست کو جشن آزادی کے سلسلے میں مرکزی تقریب کڈنی ہل پارک میں منعقد کی جارہی ہے جس میں بڑے پیمانے پر شجرکاری کی جائے گی، اس سلسلے میں کراچی بھر سے ایم کیو ایم پاکستان کے کارکنان اور عوام اپنے اہل خانہ کے ہمراہ 14 اگست کو کڈنی ہل پارک آئیں گے، بعدازاں ایم کیو ایم پاکستان کے مرکزی رہنما جشن آزادی کی تقریب کے شرکاء سے خطاب فرمائیں گے۔