کیا مرتضی وہاب اپنی قیادت سے کراچی اور پورے پاکستان کی بلدیاتی حکومتوں کو بااختیار بنانے میں اپنا کردار ادا کروائیں گے؟ترجمان ایم کیو ایم کا استفسار

کیا مرتضی وہاب اپنی قیادت سے کراچی اور پورے پاکستان کی بلدیاتی حکومتوں کو بااختیار بنانے میں اپنا کردار ادا کروائیں گے؟ترجمان ایم کیو ایم کا استفسار

کراچی : متحدہ قومی موومنٹ پاکستان کے ترجمان نے مرتضی وہاب کے الزامات پر ردعمل دیتے ہوئے کہا ہے کہ ریاست کے اندر بنی ریاست سندھ کے متعصب حکمران چوری اور سینہ زوری پر کمر بستہ ہوچکے ہیں، میڈیا پر روزانہ شہر اور صوبے کی تباہی کی داستانیں نشر کی جارہی ہیں، شہر کی سڑکیں ہسپتال اسکول کالج سیوریج و پانی کی لائنیں سب تباہ ہوچکےہیں، مرتضی وہاب نجانے کونسا عینک لگا کر شہر میں نکلتے ہیں۔

انہوں نے کہا کہ صوبے کے کروڑوں عوام پیپلزپارٹی کی فرعونی حکومت کی نااہلی کرپشن اور اقربا پروری سے عاجز ہیں، حیدرآباد یونیورسٹی پر سندھ کے حکمرانوں نے کہا کہ وہ انکی لاش پر بنے گی، کراچی قومی و صوبائی خزانہ میں ہزاروں ارب روپے ٹیکس اور ریونیو کی مد میں جمع کرواتا ہے، کراچی کا دیا گیا ٹیکس اور ریونیو ہی وفاق سے واپس سندھ کو آتا ہے، ترجمان ایم کیوایم نے مرتضی وہاب سے سوال کیا کہ کیا سندھ کے حکمران مرتضی وہاب کو پی ایف سی سے کراچی کا جائز حصہ دے رہے ہیں؟ ایم کیو ایم نے مرتضی وہاب کو بااختیار و باوسائل بنانے کیلئے قومی اسمبلی میں قرارداد جمع کروائی ہے،

انہوں نے مزید استفسار کیا کہ کیا مرتضی وہاب اپنی قیادت سے کراچی اور پورے پاکستان کی بلدیاتی حکومتوں کو بااختیار بنانے میں اپنا کردار ادا کروائیں گے؟ ایم کیو ایم گزشتہ کئی دہائیوں سے شہری سندھ کی واحد نمائندہ جماعت ہے۔ ترجمان ایم کیو ایم کا مزید کہنا تھا کہ این ایف سی ایوارڈ کے ذریعے کراچی کے لیے وفاق سے آنے والا پیسہ بھی سندھ حکومت کھا جاتی ہے ، وفاق سے اُمید لگانے کے بجائے پہلے مرتضیٰ وہاب سندھ حکومت سے کراچی کو اسکا جائز حق دلائیں، حکومت سندھ نے پچھلے پچاس سال میں کراچی کو کیا دیا اور کراچی سے کیا لیا اس کا حساب دیں۔