پاکستان پیپلز پارٹی ہی اصل کراچی کے عوام کی پارٹی ہے۔ سعید غنی
آنے والے عام انتخابات میں پاکستان پیپلز پارٹی کراچی کی سب سے بڑی سیاسی جماعت بن کر ابھرے گی۔ سعید غنی
پاکستان پیپلز پارٹی ہی اصل کراچی کے عوام کی پارٹی ہے۔ سعید غنی
کراچی : صدر پیپلز پارٹی کراچی ڈویژن و سابق صوبائی وزیر سعید غنی نے کہا کہ پاکستان پیپلز پارٹی نے کراچی سمیت سندھ بھر میں ضمنی بلدیاتی انتخابات میں کلین سوئپ کرکے ثابت کردیا ہے کہ یہ اس ملک کی واحد عوامی سیاسی جماعت ہے۔ کراچی میں پیپلزپارٹی کے امیدواروں مئیر کراچی مرتضٰی وہاب اور سلمان مراد سمیت تمام امیدواروں نے بھرپور کامیابی حاصل کی ہے۔
انہوں نے مزید کہا کہ کراچی میں پاکستان پیپلز پارٹی کے امیدواروں نے سابقہ تمام ریکارڈ توڑ کر جو کامیابی حاصل کی ہے وہ قابل ستائش ہے۔ کراچی میں جون کے بلدیاتی انتخابات کے مقابلے اس ضمنی انتخابات میں عوام نے پیپلز پارٹی کو اس سے زیادہ ووٹ دئیے ہیں۔ آج کراچی کی دعویدار جماعت اسلامی کو اس بات کا یقین ہوجانا چاہیے کہ پاکستان پیپلز پارٹی ہی اصل کراچی کے عوام کی پارٹی ہے۔
انہوں نے کہا کہ آنے والے عام انتخابات میں پاکستان پیپلز پارٹی کراچی کی سب سے بڑی سیاسی جماعت بن کر ابھرے گی۔