ایس ایس پی شکارپور نے ڈی ایس پی گڑھی یاسین سے واقعے کی تفصیلی رپورٹ طلب کرلی ہے

شکارپور : ایس ایس پی شکارپور محمد کلیم نے ڈکھن تھانے کی حدود ایڈووکیٹ عزادار حسین شیخ کے گھر پر فائرنگ کے واقعے کا سخت نوٹس لے لیا۔ ایس ایس پی شکارپور نے ڈی ایس پی گڑھی یاسین سے واقعے کی تفصیلی رپورٹ طلب کرلی ہے۔

ایس ایس پی شکارپور نے کہا کہ واقعے میں ملوث مسلح ملزمان کی فوری گرفتاری کے لیے تمام دستیاب وسائل بروئے کار لائیں جائیں گے۔ ملزمان کی گرفتاری کے لیے جدید ٹیکنالوجی، سی سی ٹی وی فوٹیج، جیو فینسنگ اور انٹیلی جنس ذرائع سے بھی بھرپور مدد لی جائے گی۔

ایس ایس پی شکارپور محمد کلیم نے مزید کہا کہ ملزمان کو ہر صورت گرفتار کرکے قانون کے کٹہرے میں لایا جائے گا۔